لبساتني بالمقلوب

ها واحد الســـــــلام عليكم أيها العفاريت .. الأدمن برجـــولة دوز هادي

المهم خوكم ما عندوش مع القراية غير داك ال*لاوي ديال الباك شي 3 سنين وانا معاه ولا بغى يتشد كون كان بنت غاتلقاو عندها معايا شي 5 ديال البراهش ... صافي خوكم قلبها مشاريع فالأنترنيت مرة عاطينا مرة لا ... عندي شي 5 ديال البطائق الإلكترونية بايزا بايبال بايونير و 2 ديال الشركة العامة ( ماشي بغيت نفوح عليكم ولكن هنا كتبدأ القصة ديالي مع موسطاشة ) واحد النهار كانت أمطار الخير تهطل بمدينة أيت ملول مع البنية التحتية يا سلام ما بقى لينا والو ويهزنا الما .. المهم نزلت من السيارة باش نمشي للكُيشي وداير مظلة كي وقفت سمعت صوت بنت كتقول ليا .. خويا وخا توصلني معاك للليسي راه قريب من هنا ... أواااااه هادي مالها بانت ليها السيارة والسيد كيدور في لي كارت كُيشي قالت مع راسها صافي طحت على همزة .... قبل ما نجاوبها ضربت طليلة على ترمتها لقيتها عامرة بالغيس ... الحلوفة كانت كتجري وجمعات غيس الدنيا تفكرت بلي السيارة مازال جديدة والكرسي نقي كيف تجلس عليه تخصني معاه ميزانية باش نغسلو (واااا مشطبا هادي) بقيت ساكت خرجت شي بركة وعاودة ليا نفس السؤال وهاد المرة زادت معاه صافي نركب .. قلت ليها شوفي راه الشتاء دابا غادي تقطع والليسي راه قريب دغيا توصلي ... حينها علمت أن المغرب ينفرد بثروة حيوانية فريدة من نوعها وا سمعت جميع انواع السب والشتم وزايدها بالغوات مخليني كنتسنا هنا بحال الهبيلة ومامجاوبنيش .. جاب ليا الله بحال الى كنت داير معاها ولبساتني بالمقلوب والناس تجمعات ... ضربتها بسلتة ومن داك النهار وأنا أكتفي بركوب البكالة الصفرة ديالي ... وااا مقرقجة باش تا خيبوعة ما طمع هههههه